1 line
718 B
Plaintext
1 line
718 B
Plaintext
Uiris discretis, honorabilibus et dilectis consulibus et toti communitati de Pontido, C. clericus eiusdem loci, scholaris Bononie salutem et prosperitatis augmentum. Erga uniuersitatem uestram habens omnem quam possum reuerentiam et amorem cum ratione originis, et contemplatione dilectionis tum prudentie titulis, tum propter uestre merita bonitatis, uos affectuose ac suppliciter precor multipliciter et instanter, ut diuino intuitu et honore uestro xu librarum collectam a communi uestro mihi nuper impositam uelitis remittere ac debite relaxare, ita quod uestra bonitas de liberali gratia digne ualeat commendari et mea crescat fidelitatis deuotio, que uobis placere, ut desiderat, teneatur per seruitia gratiosa. |