1 line
592 B
Plaintext
1 line
592 B
Plaintext
Nobilibus et magnificis uiris Domino O. de Mandello potestati et consilio ciuitatis Bononie multa sapientia redimitis, talis apostolice sedis legatus salutem et dilectionem in Christo. Uestre prudentie dignis laudibus honorande rumores gratissimos nuntiamus qui superuenerunt de nouo, illius gratia faciente, qui suam ecclesiam et fideles uult constituere triumphales. Noscatis igitur certissima ueritate quod Mediolanenses trecentos milites de Laudensibus et L. de Pergamensibus nunc ceperunt, preter mortuos quorum numerus non habetur, de quo gaudete nobiscum, et debeatis merito exultare. |